Nagsinnarak da President Ferdinand Marcos Jr. ken US President Donald Trump iti White House idi July 22, 2025.
Paset daytoy ti addang ti pagilian tapno agtalinaed ti napintas a relasion ti Pilipinas ket Estadus Unidos.
Karaman iti napagtalantanan da President Marcos Jr. ken US President Trump ti 20% a taripa nga impataw ti Estadus Unidos iti produkto ti pagilian a maiturong sadiay.
Sigun kenni Trump, maysa a dayaw ti panagsinnarakda kenni President Marcos Jr. ken impeksana a nasayaat ti relasion dagitoy a dua.
Kabayatanna, kinuna ni President Marcos Jr. a ti pagilian a Pilipinas ken ti Estadus Unidos ket agtaltalinaed a natibker ti singgalutda, iti panaglabas dagiti tawen.
Impanamnama met ni US President Donald Trump a posible nga adda ti pagnumuanda seknan iti diskusion iti reciprocal tariffs iti imports manipud iti pagilian a Pilipinas.
