--Ads--

Dumanonen iti P1.12 billion ti balor ti agrikultura a nadadael gapu iti Crising, Dante ken Emong iti Pilipinas.

Dagiti nadadael ket pakairamanan dagiti pagay, mais, kamoteng kahoy, high value crops, fisheries, livestock, poultry ken agricultural infrastructure.

Gapu iti dayta, dumanon iti 45,408 a mannalon ken mangngalap ti naapektaran bayat a 43,741 nga ektarya ti agricultural areas iti rehion Cordillera, Ilocos Region, Cagayan Valley, Central Luzon, Calabarzon, Mimaropa, Bicol Region, Western Visayas, Zamboanga Peninsula, Northern Mindanao, Davao Region, ken Socckskargen ti naapektaran iti daytoy.

Iti baet dayta, impakaammo ti Department of Agriculture a nakasaganan ti agbalor iti P653.01 million nga agricultural inputs kas dagiti bukel, seedlings, pesticides, abuno ken dadduma pay a maipaay a tulong kadagiti naapektaran kadagiti nasao a bagyo.