Rinugianen ti baro a grupo dagiti konsehal ti siudad ti Baguio ti pannakabukel ti “city charter revision working group” a makiuman kadagiti umili ken mangdraft iti modern version ti 1909 Charter ti siudad.
Ti singasing a technical working group ket buklen dagiti opisial ti siudad, scholar ken civic leaders.
Sigun kenni Jose Molintas, konsehal iti siudad ken nang-sponsor iti resolusion, mabalin a maipayaan dagitoy ti maysa a tawen a self-imposed deadline tapno mabukel wenno ma-draft ti charter.
Ti nasao a grupo ket makitinnulong kenni Baguio City Congressman Mauricio Domogan, maysa kadagiti maibagbaga a prayoridadna ti charter ti siudad iti panagtakemna kas congressman.
Kabayatanna, sigun met kenni Ibaloy activist Joanna Cariño, makitinnulong dagiti Ibaloi ken dadduma pay nga indigenous clans iti panangisurat manen ti city charter nangruna ti maipapan iti ancestral lands.
Impeksa ni Joanna Cariño a kayat ti Ibaloy community a maikabil ti historical context ken maipaayan ti Baguio iti kangrunaan nga akem iti panangrisut kadagiti ancestral land claims imbes nga abdicate iti NCIP.
