Inruaren ti Korte Suprema ti resulta ti naangay a Shari’ah Special Bar Examinations 2025.
Kalpasan ti sumagmamano a gundaway a pannakakanselar gapu iti saan a nasayaat a sasaaden ti panawen, intuloy ti nasao a Korte ti pablaak ti nagbalin a resulta.
Iti panangidaulo ni Associate Justice Antonio T. Kho Jr, impablaakna ti bilang dagiti nakapasa nga examinees.
Dumanon iti 154 ti nakapasa manipod iti 629 a nag-take ti examination idi bulan ti Mayo iti kaunaan a fully digitalized special examinations.
Gapu iti dayta, 24.28% ti passing percentage rate ti pakabuklan a bilang dagiti nakapasa a baro a Shari’ah Councilors.
Karaman kadagiti impablaakna ket ti naikeddeng a petsa ti Oath Taking ken ti Roll Signing Ceremonies a maangay met inton bulan ti Agosto, iti agdama a tawen.
