Impakaammo ni Philippine National Police chief Police General Nicolas Torre III a nakapataud iti nasurok P350K ti naglakuan dagitoy iti ticket iti “Boxing for a Cause: Laban Para sa Nasalanta” event a naipatungpal iti Rizal Memorial Coliseum sadiay Metro Manila itay agsapa.
Nupay kasta, saan a nagparang ditoy ni Davao City acting mayor Sebastian “Baste” Duterte rason a naideklara ni Torre kas winner by default.
Maipalagip a nailako ti ticket dagitoy iti P100 agingga P5,400.
Malaksid iti dayta, nakaurnong pay dagitoy iti P16.3 million a cash donations, kasta metten dagiti in kind donations kas ti canned goods ken bagas.
Impetteng metlaeng ni Torre, a nakikoordinarda iti Department of Social Welfare and Development ken iti Philippine Red Cross seknan kadagiti nasao a donations.
