--Ads--
Dumanonen iti 14 nga indibidual ti pimmusay gapu iti nakaro a panaglayos sadiay Dien Bien, Vietnam.
Nangrugi ti panaglayos itay kanikadua kalpasan ti napigsa a panagbayakabak ti tudo a nangitunda iti panaglayos ti danum kadagiti karayan, ken kanal.
Nakailista metlaeng dagiti otoridad sadiay iti panagregaay ti daga kadagiti dadduma a paset ti nasao a lugar.
Nakaro met a naapektaran ti syudad ti Xa Dung no sadino maysa nga indibidual ti nakumpirmar a pimmusay bayat nga innem ti mapukpukaw.
Nangitunda metlaeng daytoy iti panakapukaw ti suplay ti kuryente ken panakairekep dagiti kalsada a paturong kadagiti dadduma a lugar.
