Nangipila iti criminal complaints dagiti pamilia ti mapukpukaw a sabungeros, wenno cockfighting enthusiasts kontra iti negosiante a ni Charlie “Atong” Ang, kameng ti Alpha Group ken sumagmamano nga opisial ti polis gapu iti maatap a pannakairamanda iti kaso dagiti mapukpukaw a sabungeros.
Sigun kenni Ryan Bautista, kabsat ti maysa a mapukpukaw a sabungero a daytoy ti gundawayda a mangipila iti reklamo a murder and serious illegal detention kontra kenni Atong Ang ken dadduma pay.
Agarup 30 a pamilia ti karaman kadagiti nangipila iti nasao a reklamo sigun kenni Charlene Lasco, maysa kadagiti kabsat ti biktima a ni Ricardo Lasco.
Sigun kenni Lasco, karaman kadagiti pilaanda iti reklamo ni Eric dela Rosa, Rjay Mejia ken sumagmamano a police officers.
Kabayatanna, kinumpirmar ni Justice Secretary Jesus Crispin Remulla a binigbig dagiti tistigo a ni Ang ti mastermind iti pannakapukaw dagiti sabungeros ken pannakapapatay dagiti agarup 30 nga online cockfight employees manipud 2021 tagigga 2022.
