Pinumtok ti Krasheninnikov Volcano sadiay Kamchatka Peninsula, Russia, kalpasan ti 600 a tawen.
Mapapati met a possible nga adda pakainaiganna daytoy iti napigsa a ginggined a nagdayyeg iti sumagmamano a paset ti Russia idi napalabas a lawas a nagitunda iti tsunami warning agingga sadiay French Polynesia ken Chile.
Sigun kadagiti otoridad sadiay, bimtak laeng ti nasao a bulkan iti kaunaan a gundaway iti uneg ti 600 a tawen.
Maibasar iti report ti Emergency Services sadiay Kamchatka, dumanon iti 6 a kilometro ti kangato ti nairuar a dapo manipud iti bulkan.
Gapu iti dayta, naipangato iti orange aviation alert ti nasao a bulkan no sadino mangipasimudaag daytoy a narisgo para kadagiti airplanes.
Kabayatanna, dinayyeg met ti 6.7 magnitude a ginggined ti Kuril Islands sadiay Russia ita laeng nga aldaw.
