Pabpabasulen paylaeng dagiti sumagmamano a Senador ti driver ti truck a nagna iti Cabagan-Santa Maria Bridge idiay Isabela, sakbay a narba daytoy.
Nupay kasta, binigbig ni Senate President Pro Tempore Jinggoy Estrada ti tallo nga opisial ti Department of Public Works and Highways (DPWH) a maatap a responsable iti pannakadadael ti Cabagan-Sta. Maria Bridge.
Sigun kenni Senate President Pro Tempore Jinggoy Estrada ken Senator Imee Marcos, saan a mapabasol ti Driver ti Truck gapu iti pannakadadael ti ₱1.2-billion Cabagan-Santa Maria Bridge.
Inyunay-unayda a ti maseknan nga opisial ti Department of Public Works and Highways (DPWH) ti mapabasol agsipudta, dagitoy ti responsable iti project planning, approval, ken oversight.
Kabayatanna, saan a maliklikan ni Senator Imee Marcos a kaasian ti driver ti truck a mapabpabasol.
Sigun kenkuana, adda ti parikot iti nasao a rangtay idi damu paylaeng.
Maipalagip a nairugi ti pannakaaramid ti Cabagan-Sta. Maria Bridge idi November 2014 ken nagleppas ti kontraksion idi February 1, 2025, ngem kalpasan ti 26 nga aldaw, nag-collapsed idi February 27, 2025.
