Idagdagadag ti sumagmamano a Senador dagiti pagadalan iti pagilian nga ipatungpalda ti nainget ken natibtibker nga addang para iti anti-bullying.
Daytoy ket gapu iti ngumatngato a bilang dagiti kinaranggas a mapaspasamak a pakairamanan dagiti estudiante.
Sigun kenni Sen. Sherwin Gatchalian, kasapulan a patibkeren dagiti learning institutions ti panangiyimplementarda iti anti-bullying policies.
Kidkiddawenna pay kadagiti amin nga stakeholders nga agtalinaed a nasiput ken siguraduedanda a maipatungpal ti anti-bullying policy iti tunggal pagadalan.
Inyunay-unay ti nasao nga opisial a dagiti Principals ken school heads ti responsible kadagiti amin a krimen iti institusion dagitoy.
Kabayatanna, kinuna ni Senate Committee on Basic Education vice chairperson Sen. Raffy Tulfo a maseknan iti panagadu ti kinaranggas kadagiti pagadalan iti pagilian itay nabiit.
Sigun kenkuana, mangapektar daytoy iti kinatalged dagiti amin nga agad-adal, mangisursuro ken personnel iti pagadalan.
Gapu iti dayta, impaganetgetna a kasapulan a sungbatan ti pagadalan dagiti insidente kas iti violence-related incidents iti pagadalan.
