Al-allukuyen ti National Police Commission-Cordillera (NAPOLCOM) ti publiko nga interesado nga ag-exam iti PNP Entrance Examination ken Promotional Examinations iti intero a pagilian inton October 19, 2025.
Dagiti mabalin nga ag-exam iti PNP Entrance Examination ket dagiti Baccalaureate Degree holder nagleppas iti 4 year course bayat a ti Promotional Examinations ket dagiti miembro ti Philippine National Police.
Naituding ti online registration inton August 18, 2025 iti 12:00 iti pangaldaw agingga inton August 22, 2025 babaen iti www.napolcom.noss.org.
Ti processing iti siudad ti Baguio ket iti NAPOLCOM CAR office sadiay 26 Teachers Camp, Baguio City inton August 19 agingga September 19, 2025 bayat a sadiay Abra ket maipatungpal iti Abra Police Provincial Office sadiay Camp Juan Villamor, Bangued, Abra inton September 09 agingga 11, 2025.
Kabayatanna ti met examination ket naituding inton October 19, 2025 manipud iti 8 am agingga 11 am.
Iti siudad ti Baguio City maipatungpal ti examination iti Baguio City National High School idiay Governor Pack Road Barangay bayat a sadiay Abra ket iti University of Abra, Bangued Campus.
