Inaklon ni Centerways Construction and Development Inc. President Lawrence Lubiano, maysa kadagiti top flood control contractors a nangidonar daytoy iti P30 million kenni Senate President Chiz Escudero bayat panagkampanya iti 2022 elections.
Inlawlawagna a ti nasao a gatad ket manipud iti bukod daytoy a bulsa.
Inaklonna pay nga addaan daytoy iti active contracts para iti government projects manipud 2009.
Maipalagip a nabigbig ti Centerways Construction kas top contractor sadiay Sorsogon no sadino daytoy ti home province ni Senate President Escudero.
Nupay kasta, immunan a pinaglibakan ni Escudero nga awan ti ammona iti panangbigbig, panagaramid iti program of work, panag-bid ken dadduma pay seknan iti nasao a proyekto, sadiay Sorsogan man wenno iti dadduma a lugar.
Kagiddan dayta, inaklon pay ti nasao a contractor a dumanon iti agarup 30 ti proyekto dagitoy sadiay Sorsogon.
Innayonna pay nga adda ti dua a kabsatna a mangmangged iti local government sadiay no sadino mayor ti maysa bayat a ti maysa pay ket city councilor.
