Nadangran dagiti dua nga indibidual kalpasan a nargaay ti maysa a linya ti baro a kalsada sadiay Barangay Kirang, Aritao, Nueva Vizcaya a nangitunda iti pannakatnag dagitoy iti derraas.
Iti panakiuman ti Bombo Radyo kenni Police Captain Elixer Reolalas manipud iti Aritao Police Station, kinunana nga addan ti marka ti nasao a kalsada ngem possible a saan a nakita ti driver daytoy rason a nagna latta sadiay a nangitunda iti panagregaay ti kalsada.
Sigun kenkuana, natnag ti nasao a jeep iti deraas nga addaan iti kauneg nga agarup 50 a metro.
Gapu iti dayta, nadangran ti driver manipud Mapayao, Cayapa, Nueva Vizcaya ken ti pasahero daytoy.
Kinunana a naglaon ti nasao a jeep iti kamatis no sadino nagapu dagitoy sadiay Aritao, Nueva Vizcaya.
Dagus met a naipakaammo daytoy kadagiti otoridad rason a nagresponde-da isu’t gapuna a dagus a naiturong dagiti dua iti ospital.
Adda metten dagitoy iti nasayaat a kasasaad.
Kabayatanna, impetteng ni Reolalas nga one lane passabel itan ti nasao a kalsada.
Kagiddan dayta, nagballaag daytoy kadagiti motorista nga agannad ken no mabalin ket magna dagitoy kadagiti dadduma a ruta para iti seguridad dagitoy.
