Adda itan iti kustodiya dagiti otoridad ti suspect iti pammapatay iti conservative youth activist a ni Charlie Kirk.
Binigbig daytoy dagiti otoridad iti nagan a Tyler Robinson, agtawen iti 22.
Iti press conference,impakaammo ni Utah Governor Spencer Cox a ni Robinson ket inarestar dagiti otoridad kalpasan ti panangadalda kadagiti surveillance footage, panakiumanda iti pamilya daytoy, ken panangrebyuda kadagiti online messgaes ni Robinson ken ti roommate daytoy.
Sigun kenni Cox, immasideg ti pamilya ti suspek iti gayyem daytoy nga isu met a nangipakaammo iti opisina iti Washington County Sheriff a nagpudno ni Robinson iti inaramidna a krimen.
Iti interview dagiti otoridad, maysa a miembro iti pamilya ni Robinson ti nangibaga a nagbalin a more political daytoy kadagiti naglabas a tawen.
Rumrumwar met a sakbay ti insidente ket nagtungtungan pay ni Robinson ken daduma pay a miembro ti pamilyada ti kapanunutan dagitoy maipapan iti nasao nga aktibista nu sadino, impeksada nu apay a saanda a magustwan daytoy ken ti kapanunutanna.
Maipalagip a napasamak ti panakapaltog daydi Kirk idi laeng Mierkules kabayatan ti maysa nga event iti Utah Valley University idiay Estados Unidos.
