BAGUIO CITY – Kinompirmar ni Welson Bumay-et, Presidente ti Baguio-Benguet Jeepney Federation nga awan ti nagpositibo a Jeepney driver iti surprise drug testing nga insayangkat ti Philippine Drug Enforcement Agency (PDEA) – CAR ken Land Transportation Office in the Philippines (LTO).
Iti interivew ti Bombo Radyo kenkuana, kinunana a surprise ti pannakaisayangkat daytoy tapno saan a makaliklik dagiti drivers.
Impetteng daytoy nga awan ti napasamak a panagkusit wenno panagsisinnukat ti sample manipud kadagiti drivers agsipudta, nainget a binantayan dagiti personnel ti LTO.
Kabayatanna, impeksa ti nasao nga opisial nga umanamongda iti amin a programa ti PDEA kas iti drug testing tapno natalged ti publiko.
Maipalagip a naisayangkat ti Random Drug testing wenno OPLAN: HARABAS kadagiti nagduduma a terminals iti siudad kas iti paradaan ti Bus, Jeep ken Van idi September 11, 2025.
Posible met a masansan ti pannakaisayangkat daytoy iti siudad ti Baguio sigun kenni Bumay-et.//mp4
