--Ads--
Impapasigurado ni House Speaker Isabela 6th District Representative Faustino “Bojie” Dy III iti publiko a saanna nga idepensa dagiti mapaneknekan a nagbasol ken saanna a protektaran dagiti korap nga opisyal.
Gapu iti dayta, kiniddawna iti publiko nga ipaayanda ti House members iti tsansa tapno maisubli manen ti talek dagitoy kadakuada.
Impagetnetgna metlaeng a maki-cooperate dagitoy iti imbestigasyon ti Independent Commission of Infrastructure kadagiti flood control projects.
Kinunana a ti trabaho dagitoy ket saan a mangprotektar iti tumunggal maysa ngem ketdi mangprotektar kadagiti Pilipino.
Kabayatanna, nagyaman daytoy kadagiti kakaduana a mammanday-linteg iti panangsuportada kenkuana nga agtugaw iti takem kas baro a House Speaker.
