Impetteng ni Senator Ronald “Bato” dela Rosa a nakasagana daytoy iti kanito a mangipaulog ti International Criminal Court (ICC) iti warrant of arrest kontra kenkuana seknan iti panakairamanna iti war on drugs a kaso ni sigud a President Rodrigo Duterte.
Kinunana daytoy kalpasan a nairaman ti apelyidona iti public redacted version a naipablaak iti ICC website mainaig iti pre-confirmation brief iti crimes of humanity charges kenni Duterte.
Possible metlaeng a daytoy ti naimention iti nasao a website agsipud ta nabigbig ti nasao nga apelyido kas hepe ti Philippine National Police (PNP).
Kabayatanna, immunan nga imparang ti International Criminal Court (ICC) ti criminal charges a sangsanguen ni Duterte pakairamanan daytoy ti 49 nga insidente iti pammapatay ken attempted murder bayat ti war on drugs idi mayor daytoy sadiay Davao City kasta metten bayat ti panagtugawna kas Presidente iti Pilipinas.
