Kinumpirmar ti Department of Justice nga im-imbestigarandan ni Senator Mark Villar seknan iti maatap a koneksyonda kadagiti kontratista a naawardan iti proyekto sadiay Las Piñas.
Sigun kenni Justice Secretary Jesus Crispin Remulla, im-imbestigaran ti Department of Justice ni Senator Villar kalpasan a nakaawat dagitoy iti impormasyon a konektado daytoy iti contractor nga addaan iti mapapati a conflict of interest.
Maibasar iti naawat dagitoy nga impormasyon, kasinsin wenno first cousin ti Senador ti kontratista a nakaala iti proyekto para laeng iti lugar dagitoy sadiay Las Piñas.
Nupay kasta, Impettengna a maberipikar ken maadal paylaeng daytoy.
Innayon pay ni Remulla a saan laeng a limitado kenni Senator Villar ti imbestigasyon dagitoy no di ket karaman metlaeng ditoy dagiti kakabagyanda a da Senator Camille ken sigud a senator Cynthia Villar.
