--Ads--
Dumanon iti 8000 a residente iti probinsya iti Aurora ti nagbakwit kagiddan ti panagdalapos ni bagyo a Paolo.
Sigun iti report, makita ti epekto iti nasao a bagyo kadagiti amianan a paset iti Aurora partikular sadiay Casiguran ken Dilasag.
Gapu iti dayta,temporaryo paylaeng a naiparit ti panaglayag gapu iti narisgu a sitwasyon iti taaw.
Iti baet iti pangta ti dakes a sasaaden iti panawen kadagiti residente asideg iti coastal area, daduma ket nagtalinaed kadagiti pagtaenganda.
Nupay kasta, daduma kadagiti nagbakwit ket adda ita kadagiti temporaryo a pagdagusan bayat a dagiti daduma ket nakidagus kadagiti kakabagyanda.
