Im-imbestigaran itan iti Department of Labor and Employment – Central Visayas dagiti kompanya a maatap a nangpilit kadagiti empleyadoda a sumrek iti trabaho iti baet ti napasamak a ginginged idiay Cebu.
Sigun kenni DOLE-7 regional director Roy Buenafe, binilin nan dagiti inspection teams iti nasao nga opisina a mangipatungpal iti safety audits kadagiti pagpapaayan nangruna idiay Cebu City ken kadagiti lugar a naapektaran iti gingined.
Maim-imbestigaranen dagiti reklamo mainaig iti labor rights violations ken panakaipatungpal dagiti daduma pay nga occupational safety and health (OSH) inspections iti nagduduma a lugar iti nasao a rehion.
Daytoy ket kasaruno ti reklamo a dagiti daduma a call center workers idiay Cebu gapu iti maatap a labor rights violation ken occupational safety violations dagiti daduma a business process outsourcing (BPO) companies partikular ti “business as usual approach” dagitoy iti baet ti dimmalapos 6.9-magnitude a gingined.
