Nangipaiyulog ti Department of Labor and Employment-Region 7 iti cease and desist order iti maysa a business process outsourcing (BPO) company a nakabase idiay Cebu gapu ta naduktalan nga awanan dagitoy iti umno nga emergency ken disaster preparedness and response plan iti occupational safety and health (OSH) program dagitoy.
Kagiddan dayta, binilin metlaeng ti nasao nga ahensya ti maseknan a kompanya a mangadaptar iti flexible working arrangements kadagiti empleyado daytoy.
Maipalagip nga idi laeng napan a lawas ket nangipila iti reklamo dagiti daduma a mangibagbagi kadagiti BPO Industry Employees Network (BIEN) kontra kadagiti BPO companies gapu iti maatap a panangpilitda kadagiti empleyado nga agreport iti trabaho iti baet ti napasamak a magnitude 6.9 a gingined idiay Cebu.
Malaksid iti dayta, rumrumwar a maipapaayan dagiti empleyado iti notices-to-explain,administrative sanctions, panakapukaw iti attendance incentives ken benefit, ken daduma pay a retaliatory actions nu saanda nga agreport iti trabaho.
Gapu iti dayta, kiniddaw iti BIEN-Cebu iti DOLE nga imbestigaran dagitoy ti maatap a panaglabsing iti labor rights ken occupational safety.
