LA TRINIDAD, BENGUET – Manamanama nga umdas ti suplay ti sabong intun UNDAS wenno All Saints’ Day ken All Souls’ Day.
Daytoy ket kalpasan a naka-recover dagiti cut flower growers iti epekto dagiti naglabas a bagyo iti pagilian.
Iti interview ti Bombo Radyo kenni Mr. Andy Colte Sr., miembro ti Cut Flower Industry Cordillera, kinunana nga adda dagiti naapektaran iti naglabas a bagyo bayat nga adda dagiti saan.
Impeksana a nakarecover metten dagiti sumagmamano a naapektaran iti bagyo.
Sigun kenni Mr. Colte Sr., malaksid iti Metro Manila, ipatpatulodda dagiti mulada a sabong kadagiti suki dagitoy partikular iti nagduduma a rehion ken probinsia iti pagilian kas iti Ilocos, Bulacan, Bicol ken dadduma pay.
Patien daytoy nga umdas ti suplay agsipuda ipangpangrunada a masuplayan dagiti suki dagitoy.
Nakasagana metlaeng dagitoy iti dakkel a demand ti sabong kabayatan ti Undas.//mp4
