Dumanon iti 40k ti House backlog iti Department of Human Settlements and Urban Development iti rehion cordillera ita a tawen.
Sigun ti nasao nga ahensya, manipud ti 40k ti syudad ti baguio ti maysa kadagiti kaaduan iti housing backlog no sadino ket dumanon ti agarup 15k.
Maysa kadagiti rason no apay nga adu paylaeng ti housing backlog ket gapu iti gapu ti road right of way issues, budget ken daduma pay.
Nupay kasta impeksa ti nasao nga ahensya nga adda ti target da nga agbalin a zero housing backlog ti rehion cordillera inton 2028.
Inlawlawag ti nasao nga ahensya a dagiti housing backlog ket pakairaman dagiti displaced families, dua a pamilya iti maysa a balay, agnanaed kadagiti dangerous areas ken dadduma pay.
Kinuna pay ti focal person ti nasao nga ahensya nga adda ti agarup 115k a pamilya nga agnanaed kadagiti dangerous areas iti rehion Cordillera.
Iti baet dayta, kinuna ni Antonette Anaban Regional Director ti nasao nga ahensya nga addan dagiti nakaplano nga addang tapno masolbar daytoy.
Kinuna pay karit ti mangipatakder iti housing iti siudad ti Baguio rason a nasaysayaat laengen a mangipatakder iti vertical housing.
Kabayatanna, maaw-awis ti publiko a makipaset iti nagduduma nga aktibidad ti National Shelter Month 2025.//Bombo Noveh Organo
