Kinumpirmar ni Justice Assistant Secretary Mico Clavano a pinirmaan ni Department of Justice Secretary ken incoming Ombudsman Jesus Crispin ‘Boying’ Remulla ti kiddaw ti Independent Commission for Infrastructure a maipaayan dagiti 33 nga indibidual iti Immigration Lookout Bulletin Order.
Karaman kadagiti nasao nga indibidual ket da sigud a House Speaker Martin Romualdez, Sen. Chiz Escudero, Sen. Jinggoy Estrada, Joel Villanueva, sigud a senators Ramon “Bong” Revilla Jr., Makati Mayor Nancy Binay ken dadduma pay a mammanday linteg ken government officials.
Sigun kenni Bureau of Immigration spokesperson Dana Sandoval kinumpirmardan ti resibo ti immigration lookout bulletin order nga impaulog ti Department of Justice.
Dagiti nasao nga indibidual ket dagitoy dagiti mapapati a karaman iti ghost projects ken dagiti substandard a flood control projects.
