Impetteng ni Palace Press Officer Atty. Claire Castro a makumikom unay ni President Ferdinand Marcos Jr. tapno ipaayanna pay ti atensyon ti mapangpanggep a panakaipila iti impeachment complaint kontra kenkuana.
Sigun kenni Atty. Castro, makadanon wenno saan ti panggep ni Cavite Representative Kiko Barzaga nga ipilaan ti presidente iti impeachment complaint, bigbigbigenna a trabaho ken saklaw daytoy iti pagrebbengan iti Kamara.
Nupay kasta, saanen a diretso a sinungbatan ni Atty. Castro nu ipapaayan ti presidente ni Congressman Barzaga iti atensyon seknan iti gandat daytoy.
Kabayatanna, imppetteng ti undersecretary a kasapulan a mangipaay iti ebidensya sakbay nga mangakusar gapu ta sigun kenkuana, saan a rumbeng a patien dagiti akusasyon nga awan iti nakaibasaranna kas iti kinuna ni Barzaga a ti korapsyon ket nagramot iti Palasyo Malacañang.
