Nadangran ti maysa nga indibidual gapu iti napasamak nga uram sadiay Interior B, Balacbac, Sto. Tomas Proper, Baguio City itay malem.
Gapu iti dayta, totally burned ti maysa a tallo a kadsaaran a pagtaengan pakairamanan ti basement daytoy.
Malaksid ti dayta nairaman a nauram ti kagudua a paset ti maysa a greenhouse iti abay ti nasao a pagtaengan ken partially a naapektaran ti maysa a pasdek metlaeng a kaabayna.
Iti panakiuman ti Bombo Radyo iti maysa kadagiti kaanakan ti agtagikua iti nauram a balay, adda dagitoy ti first floor tapnu iselebrar kuma ti panagkasangay ti maysa a barkada dagitoy.
Sigun kenni Claire Joseph Dalilis kaanakan ti agtagikua iti pagtaengan madama ti panagpatugtugda rason a saan dagitoy a nadnadlaw nga adda ti mapaspasak nga uram iti second floor.
Innayonna pay nga adda met ti mangmangegda nga agtitinnag iti maikadwa a kadsaaran ngem impagarup dagitoy a gapu ti angin.
Nupay kasta, idi napan kinita daytoy ti antina ket ditoy dan a nakita nga adda ti uram.
Pinadas metlaeng dagitoy a sinebseban ti uram ngem saanda a kinabaelan no sadino nangitunda pay daytoy iti panakauram ti sumagmamano a buokna.
Iti dayta a gundaway pito nga indibidual ti adda iti uneg ti pagtaengan ngem awan met no sadino maysa laeng ti nadangran.
Naideklara a fire out daytoy iti 3:15 iti malem.
Maipalagip a naiyaawag kadagiti otoridad ti nasao nga uram iti 2:08 iti metlaeng malem.//Bombo Noveh Organo
