Balligi a nakemmeg ti agtawen iti 30 a lalaki, maysa a construction worker, Street Level Indibidual ken residente sadiay Tuba, Benguet kalpasan ti drug buy bust operation a naipatungpal sadiay Lower Magsaysay, Baguio City.
Nakumpiskar manipud iti suspek ti agarup 8.73 grams ti maatap a shabu nga adaan ti Standard Drug Price a P59,364.00.
Malaksid iti dayta, nakumpiskar metaleng manipud kenkuana ti maysa a pidaso ti genuine 1000-peso bill, lima a pidaso ti 1000-peso bill boodle money ken maysa a cellphone.
Balligi a nakemmeg ti suspek babaen iti nagtinulong a pwersa ti RPDEU PRO CAR (Lead Unit), BCPO PS 2, CDEU, PNP DEG, SOU CAR , CIT Baguio-RIU 14 ken RIU 14.
Sumangsango ti suspek iti kaso a panaglabsing ti RA 9165 wenno comprehensive dangerous druct act of 2002.//Bombo Noveh Organo
