Dumanon iti nasurok P1.4 million ti danyos ti napasamak nga uram sadiay Interior B, Balacbac, Santo Tomas Proper, Baguio City itay nabiit.
Maipalagip a totally burned ti maysa a pagtaengan kalapsan a nauram daytoy ken nangitunda ti panakadangran ti maysa nga indibidual bayat ti panangpadasna a mangsebseb iti uram.
Malaksid iti dayta, dumanon iti tallo a pasdek ti nairaman iti uram ngem partially damaged daytoy.
Sigun kenni Fire Officer 1 Llyod Ashley Furigay -Public Information Officer ti Bureau of Fire Protection-Baguio a daytoy ti maika-57 a nailista dagitoy a fire incidents ita a tawen.
Manipud kadagiti nasao a bilang dua pulo ti nailista a residential fire, sangapulo ket tallo met ti non-residential fire, tallo a forest fire ken vehicular, pito a grass fire ken maysa a post fire.
Iti report pay dagitoy bimmaba iti 50% ti bilang ti fire incidents no idilig idi napalabas a tawen manipud iti bulan ti Enero agingga ti bulan ti Setyembre; no sadino ket idi napalabas a tawen nakailistada iti 79 fire incidents.
Naduktalan pay a ti kadawyan a rason ti uram ita a tawen ket electrical ignition gapu iti arcing, open flame manipud iti malutluto ken panagsigarilyo.
Iti sabali a bangir, dakkel a tulong ti naipaay ti social media campaigns para ti fire safety awareness.
Malaksid ti dayta, agtultuloy metlaeng ti panangipaay dagitoy ti information education campaigns kadagiti nagduduma nga ahensya wenno organisasyon kasta metten ti panangipatungpal dagitoy iti fire drills ken safety seminars.
Nupay kasta, agpalpalagip met latta daytoy iti publiko tapno maliklikan ti kapada nga insidente.//Bombo Noveh Organo
