BAGUIO CITY- Maaprobran intun Lunes, October 20, 2025 ti P3.6 Billion a budget ti suidad ti Baguio para iti 2026.
Iti interview ti Bombo Rayo kenni Vice Mayor Faustino Olowan, maituding paylaeng ti petsa para iti marathon hearing ti budget.
Namnamaen ti nasao nga opisial a maangay ti deleberasion iti umuna a lawas ti Desiembre wenno maudi a lawas ti Nobiembre iti agdama a tawen.
Sigun kenni Vice Mayor Olowan, nangatngato ti nasao a budget no idilig idi napalabas a tawen.
Innayon ti nasao nga opisial a kadakkelan a makaawat ti budget dagiti Social Services kas ti City Social Welfare and Development Office (CSWDO), Sangguniang Panlungsod ng Baguio, City Environment and Parks Management Office (CEPMO), City Engineering office, General Services Office (GSO) ken dadduma pay.
Kabayatanna, impeksa ni Vice Mayor Olowan a kabaelan ti suidad a parwaren ti P3.6 Billion a budget gaputa, ngimmato ti pamasrekan ti siudad.
Sigun kenkuana, panggepda nga ipangato pay ti budget gapu iti adu a punpundoan ti siudad ti Baguio.//mp4
