Pimmusay ti maysa a Barangay Kagawad ken ti live-in partner na kalpasan a pinalpaltugan ti maysa a pulis bayat nga agmirmirienda dagitoy iti balkonahe ti pagtaenganda idiay San Nicolas, Ilocos Norte.
Sigun iti pulisya, dagos a pimmusay ti 26-anyos a lalaki a kagawad, bayat a naiturong iti ospital ti 30-nyos a babai ngem pimmusay metlaeng.
Rumrummuar iti imbestigasion nga agmirmirienda dagiti biktima idi simmangpet ti dua a suspek a nakalugan ti motorsiklo ken pinalpaltugan da ti dua.
Nakalibas dagiti suspek ngem nakemmeg metlaeng iti kamaudiananna babaen kadagiti otoridad ken naamuan a maysa a pulis ti suspek.
Agtultuloy met a masapsapul ti kaduana.
Sigun iti hepe ti San Nicolas Police Station, pinaglibakan ti suspek ti akusasyon a krimen ngem napilaanen isuna ti kaso.
Suspetsa dagiti otoridad a posible nga adda ti personal a relasion ti suspek ken ti babai a biktima a ramut iti krimen.
Nakaro met ti ladingit ti ina ti biktima iti napasamak nangruna ta dua a biag ti naala manipod iti suspek.
Impaganetget ti pamilia dagiti biktima a rumbeng a maibalud iti nangaramid iti krimen tapno magun-odda ti hustisia iti ipupusay dagiti biktima.
