Inkeddeng ti administrasion ti SLU nga iyakar amin a klase iti aggigiddan nga online session iti amin a lebel mangrugi ita nga aldaw agingga inton Oktubre 25, 2025.
Daytoy ket gapu iti umad-adu a bilang a makapaspasar iti influenza-like illnessess.
Agsubli ti klase iti face-to-face inton Oktubre 27, 2025.
Dagiti non-teaching staff ket agtuloy nga agtrabaho iti bukodda nga opisina iti uneg ti pagadalan, ken kasapulan nga obserbaranda ti health protocols tapno maipasigurado ti natagled nga aglawlaw.
Agtalinaed met a nakalukat ti Health Services Unit (HSU) ti pagadalan para iti kayatna nga agpa-check-up. Dagiti studiante ket mabalin a mangala iti libre a bitamina manipod iti Health Services Unit (HSU) babaen kadagiti bukkodda nga School Assemblies.
Idagdagadag ti nasao a pagadalan a kanayon nga agbuggo ti ima, agisuot ti face mask kadagiti natao a lugar, ken bantayan a naimbag ti salun-at.
Kaspangarigan makarikna iti sintomas ti impeksion ti bara, kasapulan nga agpa-check up ken agtalinaed iti pagtaengan tapno maliklikan a maiwaras ti sakit
