Maipaulog ti show-cause order iti indibidual a nangisuot ti Uniporme ti Police Officer para iti Halloween party.
Maipalagip a binabalaw ni National Police Commission Vice Chair Ralph Calinisan ti lalaki a nangisuot ti uniporme ti Polis iti Halloween Party.
Malaksid iti dayta, pinakdaaran daytoy ni Calinisan a maipila ti kaso kontra iti lalaki, iti kanito a saanna nga ikankano ti summon.
Sigun iti nasao nga opisial, mangipaulog daytoy ti Show Cause Order ken kiddawenna ti public apology manipud iti lalaki a saanna nga innaganan.
Nagpalagip metlaeng daytoy iti publiko a dagiti indibidaul nga iligal nga agaramat iti uniporme ti PNP ket madusa iti sidong ti Article 179 ti Revised Penal Code wenno Illegal Use of Uniforms and Insignias.
Kabayatanna, nangipablaak ti agnagan ti Dha Isidro iti public apology iti social media daytoy no sadino, nakadirekta kenni National Police Commission Calinisan ken iti PNP.
Sinungbatan datoy ni Calinisan babaen iti pangi-sharena iti nasao social media post.
Nupay kasta, impaganetgetna a kasapulan nga aparang ni Isidro iti opisinana intun Lunes, Nobiembre 03, 2025.
