--Ads--
Umap-apela ti Buguias Municipal Station kadagiti umili iti nasao a munisipyo nga agtulnogda iti liquor ban bayat a marikrikna ti epekto ti bagyo nga uwan.
Immuna iti daytoy, nangipaulog ni Buguias Mayor Julius Amos iti pammilin a mangiparparit iti panaglako, panagisirbi ken panaginom iti arak kabayatan ti panagdalapos ti bagyo.
Epektibo daytoy nangrugi ita nga aldaw agingga inton Miyerkules, November 12, 2025.
Sigun iti Buguias Police Station, rumbeng nga agtungpal ditoy ti publiko tapno agtalinaedda a naridam kabayatan a mapaspasaran ti dakes a sasaaden ti panawen.//ASP
