Nadadael ti agarup 312 a parapubliko a pagadalan iti Bicol, CALABARZON ken rehion Cordillera gapu iti Super Typhoon Uwan.
Maibasar iti kaudian a datos ti DepEd Disaster Risk Reduction and Management Service (DRRMS), dumanon iti 1,182 a classrooms ti addaan ti minor damage, 366 ti majorly damaged ken 261 ti totally destroyed.
Nupay kasta, mabiripikar paylaeng dagiti nasao a bilang gapu iti agtultuloy a report a maaw-awat ti DepEd, manipud kadagiti regional ken division offices dagitoy.
Kabayatanna, kaadduan kadagiti nadadaelan ti pagadalan gapu iti Super Typhoon Uwan ket pakairamanan ti Bicol, CALABARZON, ken ti Cordillera Administrative Region (CAR).
Impasigurado met ni Education Secretary Angara kadagiti naapektaran a komunidad nga agtalinaed a naipamaysa ti atension ti DepEd iti proteksion dagiti estudiante, manursuro, school personnel ken dadduma pay.
