--Ads--
Kinompirmar ti Office of Civil Defense (OCD) a dumanon iti 25 dagiti bilang ti pimmusay nga indibidual, gapu iti panangdalapus ti bagyo nga Uwan iti pagilian a Pilipinas.
Maibasar iti datos ti nasao nga ahensia, 19 ti pimmusay iti Cordillera; tallo iti Cagayan Valley; saggaysa iti Bicol Region, Western Visayas ken Eastern Visayas.
Sigun kenni OCD Deputy Administrator Bernardo Rafaelito Alejandro IV, posible a manayunan ti bilang dagiti pimmusay.
Mainaig iti dayta, dumanon iti 762, 862 a pamilia wenno 2,722,161 a tattao ti naapektaran iti nasao a bagyo.
Kabayatanna, dumanon iti agarup P142.29 million ti gatad dagiti nadadael iti sektor ti agrikultura sigun iti Department of Agriculture.
