Nainget a pinaglibakan ni DBM Sec Amenah Pangandaman nga adda ti anomalya wenno insertion ti Office of the President iti proseso ti bicameral conference committee (bicam) seknan ti national budget.
Sigun kenni Pangandaman, amin dagiti pondo wenno appropriations nga ibilbilin ti Presidente ket nalawag a karaman iti National Expenditure Program (NEP).
Inlawlawag ni Pangandaman nga iti kanito a maisumitir iti Kongreso ti NEP, dagiti mammanday linteg ti addaan ti bileg iti deliberasion ken panagdraft iti final national budget.
Kasaruno daytoy ti alegasion ni sigud a Rep. Zaldy Co a nangrugi ti amin idi 2024, kalpasan a maatap a tinawagan ni Budget Secretary Amenah Pangandaman iti katingngaan ti BICAM deliberations.
Sigun kenni Co, kinuna ni Pangandaman a nagtaud kenni President Ferdinand Marcos Jr. ti bilin nga insertion ti ₱100 Billion a proyekto iti pinal a bersyon ti badyet.
