Inladawan ti defense analyst a ni Renato Castro a “wolf warrior diplomacy” ti kontrobersial a sasao ni Chinese Ambassador to the Philippines Jing Quan a nalaka laeng nga agballigi ti China no agaramat iti puersa iti West Philippine Sea.
Sigun kenni Castro, panggep ti “wolf warrior diplomacy” a mangbutbuteng, mangipakita iti kinaawan panagraem iti gobierno ken dadduma pay.
Kabayatanna, inawagan ni Sen. Risa Hontiveros ni Jing nga agkiddaw iti dispensar, ken binallaaganna a rumbeng a maideklara daytoy a persona non grata no agkedked.
Mainaig iti dayta, pinasingkedan ni Castro a ti statement ket mabalin a maibilang a pangta kontra iti Pilipinas.
Agtultuloy ti tension iti nagbaetan ti Pilipinas ken China gapu iti panagsusupiat ti teritorio iti West Philippine Sea.
