Pinaayaban ni President Ferdinand Marcos Jr. ni Chinese Ambassador to the Philippines Jing Quan gapu iti pakaseknan ti siguridad kalpasan ti kaudian a tension iti nagbaetan ti Chinese Coast Guard (CCG) ken Philippine Coast Guard (PCG) sadiay Ayungin Shoal idi July 20, 2026.
Sigun kenni Press Officer Undersecretary Claire Castro, nagsinnarak da President Marcos ken Ambassador Quan kalpasan a nadangran ti maysa personnel ti Philippine Navy iti tension a napasamak iti mapagsusupiatan nga isla.
Nupay kasta, saanen a nangipaay ni Atty. Castro iti kanayunan a detalye seknan iti daytoy.
Maipalagip nga inakusaran ti Armed Forces of the Philippines (AFP) ti China Coast Guard a pinang-oranda iti batota ti maysa a Marino ti Pilipinas.
Napasamak ti insidente kabayatan ti panagturongda iti grounded vessel a nabayagen nga agserserbi a Philippine garrison iti West Philippine Sea.
Kinondinar ni President Marcos Jr. ken Department of National Defense (DND) ti napasamak nga insidente.
Kabayatanna, inlibak ti Beijing ti kaudian a komprontasion iti mapagsusupiatan nga isla ken pabpabasulenda ti pagilian iti napasamak a tension.
