Impetteng ni Ombudsman Jesus Crispin Remulla nga agtaltalinaed a nakasagana ti opisina dagitoy a mangipaay iti proteksyon kenni sigud nga Ako Bicol Party-list Rep. Zaldy Co iti kanito nga agsubli iti Pilipinas.
Sigun kenkuana, agtaltalinaed nga idiaya-da ti proteksyon kenkuana, iti baet dagiti malversation ken graft cases a naipila kontra kenkuana.
Kinunana a no man adda ti kabuteng daytoy ket rumbeng nga ibagana tapno matulungan daytoy,
Impettengna pay a nakasagana dagitoy a mangipasigurado iti seguridad ni Co iti baet dagiti espekulasyon nga adda dagiti personalidad iti likudan ti flood control a mangpangpanggep a mangpapatay kenkuana.
Kinunana pay a nakasagana dagitoy a mangpick-up nangruna ket addaan dagitoy iti body-worn cameras a mabalin nga aramatenna iti aniaman nga oras.
Kabayatanna, nangiyuswat metten ti Ombudsman iti motu proprio (self-initiated) investigation kadagiti indibidual nga innaganan ni Co iti social media video series daytoy itay nabiit.
