Manarimaan ti pannakikoordinar ti Philippine National Police (PNP) kadagiti maseknan nga ahensia mainaig iti warrant of arrest a naipaulog kontra kenni sigud a congressman Zaldy Co ken 17 nga indibidual.
Daytoy ket pakairamanan da:
Gerald Pacanan, DPWH Regional Director; Gene Ryan Altea, DPWH Assistant Regional Director; Ruben D.S. Santos, DPWH Assistant Regional Director; Dominic Serrano, DPWH Chief, Construction Division; Bids and Awards Committee (BAC) Chairperson; Juliet Calvo, DPWH Chief, Maintenance Division; Dennis Abagon, DPWH OIC-Chief, Quality Assurance and Hydrology Division; Regular Member, BAC; Montrexis Tamayo, DPWH OIC-Chief, Planning and Design Division; Lerma Cayco, DPWH Accountant IV; Felisardo Casuno, DPWH Project Engineer 3; Timojen Sacar, DPWH Material Engineer; Aderman Alcazar, President ken Chairman ti Board of Directors, Sunwest Construction; Cesar Buenavntura, Treasurer ken Board of Directors ti Sunwest Construction; Consuelo Aldon, Board of Directors ti Sunwest Construction; Engr. Noel Yap Cao, Board of Directors ti Sunwest Construction ken Anthony Ngo a Board of Directors metlaeng ti Sunwest Construction.
Iti statement ni PNP Acting Chief Police Lieutenant General Jose Nartatez Jr., impanamnamana ti nainkalintegan a pannakaipatungpal dagiti warrant ken siniguradona a masurot ti due process.
Sigun iti nasao nga ahensia, nainget ti koordinasion dagitoy iti Sandiganbayan ken dadduma a maseknan nga ahensia tapno masigurado ti nainkalintegan ken naurnos a pannakaipatungpal ti warrant.
Impetteng pay ti PNP a maikkan dagiti akusado ti garantisado iti sidong ti linteg.
Kabayatanna, naipaulog ti Hold departure orders kadagiti akusado ngem inyunay-unay ti Department of Foreign Affairs (DFA) nga awan paylaeng ti naipaulog a court order a mangkanselar iti passport ni Co.
