Inakusaran ni sigud nga Ako Bicol Rep. Zaldy Co ni First Lady Liza Araneta Marcos a mapapati a nakibiag tapno pasardengen ti congressional inquiries seknan kadagiti nangato a presyo ti sibuyas ken bagas idi napalpalabas a tawen tapno maprotektaran daytoy ket ti interes ti kabsatna iti industriya.
Sigun kenkuana, mapapati a naireport da First Lady ken ti kabsatna a ni Martin Araneta nga agnumnumar manipud kadagiti agricultural imports.
Impettengna nga addaan dagitoy iti bileg a mangkontrol iti panagimport kadagiti sibuyas bayat a ngimmato ti presyo daytoy iti P600 tunggal kilo.
Nupay kasta, kinunana a saan a natuloy ti imbestigasyon gapu ta imbilin ti First Lady nga isardeng daytoy.
Malaksid iti dayta, inakusanna metlaeng dagitoy iti panangipasardeng iti imbestigasyon kagiddan ti panagngato ti presyo ti bagas.
Sigun kenkuana, mapapati a tinawagan ni Ilocos Norte Rep. Sandro Marcos ni sigud a House Speaker Martin Romualdez tapno isardeng ti imbestigasyon iti presyo ti nasao a produkto.
