Naituding a mangipatungpal dagiti grupo ti Alliance of Concerned Teachers iti siudad ti Baguio iti “day of action” protest kontra iti korapsyon iti Malcolm Square People’s Park, Baguio City iti 5 iti malem, Nobyembre 28, 2027.
Iti panakiuman ti Bombo Radyo kenni Louise Montenegro, Regional Director ti Alliance of Concerned Teachers, kinunana nga ingeddanda ti nasao a protesta iti National Teacher’s Protest Day ita nga aldaw.
Sigun kenkuana, agprotesta dagitoy tapno iyebkas ti kiddawda a P50K entry level dagitoy ken ti panakaisardeng ti mapaspasamak a korapsyon iti pagilian.
Namnamaenna met nga adu ti makipaset iti nasao a protesta.
Iti baet dayta, kinunana nga addan dagiti representative manipud iti Unversity of the Cordillera, University of the Philippines-Baguio ken iti Philippine Science High School.
Kabayatanna, agarup 400 a pagadalan iti intero a pagilian ti makipaset iti nasao a kilos protesta.//Rose
