Impakaammo ti Department of Health (DOH) a kadagiti 5,583 a baro a kaso ti human immunodeficiency virus (HIV) a nairekord iti maikatlo a kuarter ti 2025 iti pagilian; dumanon iti agarup 429 ti nakaptan gapu iti transactional sex.
Sigun iti DOH, 429 nga indibidual wenno 9% a nadayagnos nga addaan iti HIV manipud Hulio agingga iti Setiembre ket nakipaset iti transactional sex iti napalabas a 12 a bulan.
Iti nasao a bilang, agarup 178 kadagiti kaso ket gapu iti “paid for sex” no sadino, agarup 173 kadagitoy ket lallaki.
Maipalagip a dumanon iti agarup 17,577 a kaso ti HIV ti nailista sipud idi naireport ti transactional sex a nangrugi idi December 2012.
Iti nasao a datos, 57% wenno agarup 9,953 kadagitoy ket addan ti pakasaritaan ti transactional sex; agarup 4,721 kadagitoy ket naalada gapu iti “paid for sex”.
Kabayatanna, dumanon iti 56 a masikog a babae ti nagpositibo iti HIV manipud July agingga Setiembre 2025.
Maibasar iti datos, dagitoy ket agtawen iti 15 agingga 39.
