--Ads--
Binabalaw ti Commission on Audit (COA) ti Department of Agriculture (DA) kalpasan a naduktalanda a 58,784 a rice farmers ti nakaawat iti cash assistance iti baet a saan a kwalipikado dagitoy.
Maibasar iti report, ti annual audit report ket naduktalan a saan a kwalipikado dagiti mannalon iti “Rice Farmers Financial Assistance” program gapu iti nagduduma a rason ket ti saanda a panagparehistro iti nasao a programa, kinukurang ti insumitirda a dokumento ken saan pay dagitoy a mannalon.
Naobserbaran pay a dagiti dadduma a benepisyaryo ket pimmusayen, inactive ken saan a karaman iti masterlist ti qualified recipients.
Nupay kasta, nakaawat latta dagitoy iti P5,000 cash grants bayat a dadduma kadagitoy ti nakaawat iti doble a gatad.
