Inrekomendar ni ICI chairperson Justice Andres Reyes Jr., iti Office of the Ombudsman ti panangipatungpal dagitoy iti naun-uneg nga imbestigasyon iti mapapati a panakairaman da Senator Francis “Chiz” Escudero, sigud a senator Nancy Binay, sigud a Senate finance chairperson Grace Poe, kenni senator ken sigud a Department of Public Works and Highways (DPWH) secretary Mark Villar naanomalyaan a flood control projects.
Sigun kenni Reyes, kasapulan ti naun-uneg nga imbestigasyon iti daytoy tapno makaala pay iti kanayunan nga ebidensya.
Ti panangirefer dagitoy ket maibasar iti affidavits ken testimonies nga impaay ni sigud a DPWH Undersecretary Roberto Bernardo.
Kabayatanna, impettengna a mangisumitir ti Independent Commission for Infrastructure iti kanayunan nga ebidensya para iti kanayunan a kaso kada sigud a DPWH secretary Manuel Bonoan, sigud a DPWH undersecretary Roberto Bernardo, Catalina Cabral, sigud nga Ako Bicol Rep. Zaldy Co, Commission on Audit Commissioner Mario Lipana, ken dadduma pay nga opisyal.
