Inyunay-unay ni Ombudsman Jesus Crispin Remulla nga addan ti inruar ti International Criminal Court (ICC) a warrant of arrest kontra kenni senador Ronald Dela Rosa.
Sigun kenni Remulla,naamuanna ti nasao a damag iti am-ammona iti Department of Justice (DOJ) ken iti maysa nga agserserbi kas ‘liaison’ para iti International Criminal Court (ICC).
Kinunana, a maysa a bulanen ti napalabas idi nakasaritana ti am-ammona no sadino napagtalantananda ti warrant arrest.
Mapapati met nga impakita ti am-ammona ti umuna a panig ti nasao nga arrest order.
Innayonna pay nga iti maikadua nga aldaw ket nakasaritana ti agserserbi kas ‘liaison’ para iti International Criminal Court ken ditoy metlaeng a mapapati nga impakitana ti sibubukel a kopya ti nasao a dokumento.
