Impeksa ni Australian Prime Minister Anthony Albanese ti panagkondenarna iti napasamak a pammaltog iti Bondi Beach no sadino, inawaganna daytoy nga “act of evil antisemitism” a mangdangran kadagiti kameng ti Hudyo idiay Australia.
Ti insidente ket napasamak bayat a ramrambakan dagiti Hudyo ti Hanukkah wenno “Pasko ng Pag-iilaw,” nu sadinno nangitunda iti buteng kadagiti Jewish community idiay Australia.
Pinabasol ni Israeli Prime Minister Benjamin Netanyahu ken dagiti dadduma pay nga opisial ti Israel ti gobierno ti Australa iti saan nga umdas a panangrisut kontra iti kumarkaro nga “antisemitism” iti nasao a pagilian.
Kinumpirmar metlaeng dagiti otoridad a ti panangpalpaltig ket maysa a terorista a panagatake, ngem saan a nalawag ti bilang dagiti suspek ken ti pudno a motibo.
Iti sabali a bangir, saan pay nga inruar dagiti otoridad ti pakabigbigan dagiti biktima kas respeto kadagiti pamiliada.
Sigun kenni NSW Police Commissioner Mal Lanyon, mangisaysayangkat ita ti pulisia iti nainget nga imbestigasion ken kidkiddawenda iti publiko a saan nga agiwaras iti saan a pudno nga impormasion seknan iti insidente.
Agtultuloy met ti kiddaw dagiti otoridad a saan nga ipablaak iti internet dagiti graphic video manipod iti insidente.
Mainaig iti daytoy, nabutngan ti Jewish community idiay Australia nu sadinno, dagiti sumagmamano kadagitoy ket kayatdan nga umakar iti lugar.
