Impetteng ti Philippine National Police (PNP) a nakapukos dagiti investigators iti isyu ti naanomalyaan a flood control projects iti ipupusay ni sigud a Department of Public Works and Highways (DPWH) undersecretary Maria Catalina Cabral.
Sigun kadakuada ti isyu a pakainaigan ni Cabral iti nasao a banag ket maysa kadagiti anggulo a pagpokusan dagiti imbestigador.
Impeksa met ni PNP acting chief Police Lieutenant General Jose Melencio Nartatez Jr. nga imbilinnan ti naun-uneg nga imbestigasyon iti nasao nga insidente tapno maamuan ti pundo a rason iti ipupusay ti sigud nga opisyal.
Kinunana met a saanda a mangiruar iti seknan iti initial impression dagitoy agingga a maduktalan ti pudpudno a rason babaen kadagiti forensic investigators.
Kagiddan dayta, impettengna a maibilang kas person of interest ti driver ni Cabral iti ipupusay daytoy agsipud ta daytoy ti makaammo iti nasao nga insidente.
Nasukimat metten ti lugan nga inaramat dagitoy para iti kanayunan nga ebidensya.
Kabayatanna, maipasidong iti DNA testing ti bangkay ti sigud nga opisyal tapno makumpirmar ti pakabigbigan daytoy.
Maipasidong metlaeng daytoy iti autopsy tapno maammuan ti rason iti ipupusayna.
