Impetteng ti Philippine National Police (PNP) a nakapokus ti imbestigasyon dagitoy iti panangsukimat ken panangsecure kadagiti ebidensya a mainaig iti ipupusay ni sigud a Department of Public Works and Highways (DPWH) undersecretary Maria Catalina Cabral.
Sigun kenni PNP Acting Chief Police Lieutenant General Jose Nartatez Jr., nainterrogated metten ti driver ni Cabral kalpasan nga imbatina daytoy sadiay Kennon Road, Tuba, Benguet a mapapati a kiddaw ni Cabral.
Kinunana a nakumpirmar metten a pudpudno a ti nasao a bangkay ket ni Cabral rason a ti sumaruno nga aramidenda ket agpokusda iti kaso daytoy.
Impakaammona met a makikikoordinar dagitoyen iti Independent Commission for Infrastructure ken kadagiti dadduma pay a maseknan nga ahensya tapno mabigbig dagiti ebidensya a nasken a maisecure nga adda metlaeng pakainaiganna iti imbestigasyon kadagiti naanomalyaan a flood control projects.
Kagiddan dayta, imbilinna pay ti naing-inget a supervision kadagiti local police units iti panang-iggem dagitoy iti kaso ni Cabral kasaruno metlaeng ti panakaikkat iti pwesto ti chief of police ti Tuba Municipal Police Station.
