Impakaammo ti Department of Health (DOH) a dumanon iti 28 ti nailista a firecracker-related injuries sipud idi Huebes, December 25.
Nagtaud ti nasao a datos manipud kadagiti 62 nga ospital iti intero a pagilian.
Kaaduan iti nailista a kaso ket pakairamanan dagiti ubbing nga agtawen iti 19 pababa, bayat a dadduma ket agtawen iti 20 pangato.
Sigun kagiti maseknan nga otoridad, kangrunaan nga inaramat dagiti biktima ket pakairamanan ti “5-star,” “boga” ken “triangle”.
Maiparit amin dagitoy iti sidong ti Philippine National Police regulations.
Iti baet ti nailista a kaso, kinuna ti DOH a nababa daytoy no idilig iti datos idi 2024.
Nupay kasta, kidkiddawen ti nasao nga ahensia iti publiko a dagus nga agkiddaw iti medical attention iti kanito nga adda ti mapasamak a firecracker-related accidents.
